Бидний тухай
Pharmedu бол эмч, эм зүйч, сувилагч, анагаахын оюутнуудад зориулсан монгол хэлээрх эмнэлзүйн лавлах сан юм. Бид эм, өвчний мэдээллийг найдвартай эх сурвалжаас авч, мэргэжлийн монгол хэлээр, нэг дор, хурдан хайж олдог болгохыг зорьдог.
Бид юу санал болгодог вэ
Эмийн мэдээлэл. Үйлчлэгч бодис, хэрэглэх заалт, тун, эсрэг заалт, гаж нөлөө, жирэмсэн ба хөхүүл үеийн хэрэглээ, харилцан үйлчлэл, хадгалалт зэргийг хэсэг хэсгээр нь системтэй толилуулна.
Эмнэлзүйн мэдлэг. Өвчний тодорхойлолт, шалтгаан, шинж тэмдэг, оношилгоо, ялган оношилгоо, эмчилгээ, хүндрэл ба тавилан.
ICD-11. Өвчний олон улсын 11-р ангиллын код, ангилал, монгол орчуулга.
Эмийн харилцан нөлөөлөл. Хэд хэдэн эмийг сонгоод хоорондын харилцан нөлөөллийг ноцтой байдлаар нь шалгана.
Тооцоолуур. Эмнэлзүйн түгээмэл тооцоолуурууд.
AI туслах. Сайтын өөрийн мэдээлэлд тулгуурлан асуултад хариулж, ашигласан эх сурвалжаа харуулна.
Эмийн сангийн байршил. Тухайн эм хаана байгааг газрын зураг дээрээс хайна.
Мэдээллийг хэрхэн бэлтгэдэг вэ
Агуулгыг албан ёсны эмийн шошго, эмнэлзүйн удирдамж, мэргэжлийн лавлах эх сурвалжид тулгуурлан бэлтгэнэ. Орчуулга, ноорог бэлтгэхэд хиймэл оюун ухааныг туслах хэрэгсэл болгон ашигладаг боловч AI-ийн бэлтгэсэн зүйл бүрийг сайтын админ хянаж баталгаажуулсны дараа л нийтэлдэг. Хараахан хянагдаагүй орчуулгыг ноорог гэж тэмдэглэн, англи эхийг хамт харуулдаг.
Тун, тоон мэдээллийг эх сурвалжтай нь хэвээр тулгаж өгдөг бөгөөд ашигласан материалыг хуудасны "Ашигласан материал" хэсэгт оруулдаг.
Хэнд зориулагдсан бэ
Эмч, эм зүйч, сувилагч, эмнэлгийн мэргэжилтэн, анагаахын багш, оюутнуудад зориулагдсан. Энэ бол лавлах мэдээлэл бөгөөд эмчийн оношилгоо, эмчилгээний шийдвэрийг орлохгүй.
Үнэгүй ба гишүүнчлэл
Эмийн ерөнхий мэдээлэл, өвчний нэр болон тодорхойлолт, ICD-11 нь үнэгүй нээлттэй. Бүрэн мэдээллийг хугацаат гишүүнчлэлтэй хэрэглэгчид нээнэ. Багц, үнийг Гишүүнчлэл ба үнэ хуудаснаас харна уу.
Хамтран ажиллах
Хамтрагч байгууллага, эмийн сан, агуулга, сургалт, сурталчилгааны чиглэлээр хамтрах санал хүлээн авдаг. Хамтран ажиллах маягтаар эсвэл pharmedu.mn@gmail.com хаягаар холбогдоно уу.